Міжнарадны дзень роднай мовы
З 15.02.-22.02.2022 у мэтах рэалізацыі Плана мерапрыемстваў Міністэрства адукацыі Рэспублікі Беларусь па папулярызацыі і пашырэнні сферы выкарыстання беларускай мовы ў жыцці грамадства ў нашай школе прайшлі мерапрыемствы, прысвечаныя Міжнараднаму дню роднай мовы. Удзельнікамі сталі навучэнцы і педагагічныя работнікі школы.
15.02.2022г. вучні 7-х класаў прынялі ўдзел у інтэлектуальнай гульні “Век жыві – век вучыся”. Мерапрыемтва садзейнічала развіццю пазнавальнай актыўнасці і маўленчай культуры вучняў, іх творчых і інтэлектуальных здольнасцей.
16.02.2022г. з мэтай абуджэння патрыятычных пачуццяў, павагі да класікаў беларускай літаратуры, любові да роднага слова прайшла літаратурная гасцёўня “Светлы след будзе вечна жывым”, прысвечаная 130-годдзю з дня нараджэння М.Багдановіча. У мерапрыемстве прынялі ўдзел вучні 8-х і 9-х класаў. Навучэнцы паглыбілі свае веды па творчасці М.Багдановіча, развівалі навыкі групавой дзейнасці, публічнага выступлення.
У гэты дзень 5-я класы ўдзельнічалі ў мерапрыемстве “Таямніцы роднага слова”. Навучэнцы з цікавасцю адгадвалі загадкі, разгадвалі крыжаванкі, фразеалагізмы.
18.02.2022 з мэтай папулярызацыі і пашырэнні сферы выкарыстання беларускай мовы ў школе прайшла акцыя “Гавары са мной па-беларуску”.
Вучні 6-х класаў былі запрошаны на мерапрыемства “Вандроўка па краіне Ведаў”. Дзякуючы мерапрыемству дзеці папоўнілі і ўзбагацілі свае веды не толькі па беларускай мове і літаратуры, але і па культуры.
21.02.2022г. з мэтай папулярызацыі беларускай мовы, удасканалення ведаў вучняў быў праведзены Гродзенскі абласны дыктант. Удзел у напісанні тэксту прынялі настаўнікі і навучэнцы школы.
22.02.2022г. Сярод 10-х і 11-х класаў была праведзена дыскусія “Кажуць, мова мая аджывае…”, дзе вучні выказвалі свае адносіны да мовы, разважалі пра яе сучасны стан.
Усё гэтыя мерапрыемствы садзейнічаюць фарміраванню маўленчай культуры вучняў, павагі да роднага слова.
